第二届香港玩具节主题「好抵、好玩、好睇」

998℃ 998评论
第二届香港玩具节主题「好抵、好玩、好睇」

虽然月尾湾仔有香港动漫电玩节,但当中主题包办晒动画、漫画、游戏、玩具,似乎杂咗少少唔够专门喎!如果真心锺意或者专攻玩具,不如去一去嚟紧15至17号喺九龙湾举行嘅玩具节先!

呢次第二届香港玩具节,时间上比动漫电玩节早咗两个星期,称得上为暑期一连串同类活动揭开序幕。今届除咗规模比上一届大,场地扩充至60,000呎,参与嘅玩具品牌亦更多。大会以「好抵、好玩、好睇」做主题,希望大家乐而忘返。

有咩好抵

参展商各出其谋拉客就梗架啦!吸客最简单莫过于一个「平」字。但价钱始终係各个参展商嘅商业决定,到时场内实有平有贵,大家最好做足功课,事前喺出面格过价再入场。大会自己就搞咗个$100三件玩具特卖场,以及$1玩具拍卖活动,等入场人士用至抵价买到心头好。

第二届香港玩具节主题「好抵、好玩、好睇」
◆ $1玩具拍卖,虽然话$1起bid,但点都要预多少少啦!第二届香港玩具节主题「好抵、好玩、好睇」
◆ $100三件玩具特卖场。

有咩好玩

玩具节期间会举行《爆旋陀螺 击爆战魂》香港玩具节盃暨CO-CO!盃,各位好手可以喺陀螺爱好者前一展身手,同时赢取丰富奖品。要留意呢两个比赛(16号係CO-CO!盃,17号係香港玩具节盃)只接受6至13岁人士参加,我哋呢类年纪嘅只可以观战。另一方面,大会设置7个游戏摊位,就算玩唔掂都会有奬品送,凭门票免费玩一次。如果同行有小朋友,可以考虑吓去免费嘅PLARAIL玩具试玩区,一齐砌出梦想中嘅PLARAIL城市。

第二届香港玩具节主题「好抵、好玩、好睇」
◆ 有7个唔同游戏摊位。第二届香港玩具节主题「好抵、好玩、好睇」
◆ 爆旋陀螺比赛。第二届香港玩具节主题「好抵、好玩、好睇」
◆ 大人小朋友一齐砌城市。

有咩好睇

买嘢要花钱,玩又要落力,有冇啲活动再轻鬆啲?当然有啦!首先场内会有最新TOMICA同PLARAIL产品展出,加埋场景模型畀你慢慢睇。若果想认识以前啲小朋友玩乜玩具,不妨行吓「怀旧玩具墟」。

第二届香港玩具节主题「好抵、好玩、好睇」
◆ 屋企冇乜边个有位摆架喇,睇完当买咗啦!第二届香港玩具节主题「好抵、好玩、好睇」
◆ 怀旧玩具真係咩儿时回忆都返晒嚟。第二届香港玩具节主题「好抵、好玩、好睇」
◆ 仲有TOMICA车展。

当然仲有好多……

第二届香港玩具节仲有乜嘢畀大家买、玩、睇?呢度好难尽录,不如到时行番转啦!

第二届香港玩具节主题「好抵、好玩、好睇」
第二届香港玩具节主题「好抵、好玩、好睇」
第二届香港玩具节主题「好抵、好玩、好睇」

第二届香港玩具节
日期:2016年7月15 - 17日

时间:11am - 9pm

地点:九龙湾国际展贸中心3楼汇星及展贸厅2

门票:每张$30

**上文部份相片摄于第一届香港玩具节